सचो स्वरूप ( ईश्वर जो स्वरूप )

अज़ु खबर कान थी पवे त मुहिंजे मन में छो उथल- पुथल मची रही आहे त परमात्मा जो स्वरूप कहिड़ो आहे … छा मां वणर्नु करे सघदुसि । नत मूँ वटि अख़र आहिनि , न समझ   , पर छा जवाबु चवां । पर तहिं हूंदे बि कुछु लिखी रहियो आहियां । केतिरो न मूर्खु आहियां । परमात्मा निराकारु आहे या साकारु – निरगुणु आहे या सगुणु । भला केरु समुझाए सघे थो । इन जो फैसलो त अदा मां करे कोन सघदुसि । हिन जो जवाबु लिखणु सवलो कोन आहे । भला नढी समझ ऐं ऊँचो सवालु । जावाबु ढियणु त सवलो पर समझणु तमामु कठिन । तहिं हूंदे बि पहिंजे समझ मूजिबु , लिखी रहियो आहियां । परमात्मा जो जेको निज़ारो तूँ हिनहनि नेत्रनि सां ढिसी रहियो आहीं सो परमात्मा जो साकारु स्वरूप आहे ऐं जेको बंदि नेत्रनि सां तूँ वीचारे सघी थो सो अदा उन जो निराकारु स्वरूप आहे । भला हिन ब्रहमांड में उनखां सवाइ बाकी कुझु आहेई कोन ,थी बि कोन सघदो आहे ।छाकाणि त स्वरूप त हिकुई आहे । न हुनजो आदि आहे न वरी अंतु । प्रभू त शाशवत आहिनि । प्रकृति स्थिर रही नथी सघे , हर पल  पई बदिलिजे । प्रभूअ खे जहिं भाव (वीचार ) सां समुझी सघीं.। थो , अहिड़ा वीह ( 20 ) भाव ( वीचार ) श्रीमद भगवतगीता जे (10 ) ढहें अध्याय जे चइनि सलोकन में चयल आहिनि ।इनहनि वीचारनि खे वीचारे परमात्मा जो स्वरूप ढिृसी सघिजे थो ।

1. बुध्दि  – कहिंबि उदेश्य खे सोचण वारी समझ खे ध्यान में रखीकरे फैसलो करण वारी समझ खे बुध्दि चवंदा आहिनि ।

2 . ज्ञानु  – सत-असत् , सही- ग़लति , फर्ज़ु , सार-असार , नित्य-अनित्य ,आदि समझण खे जेको विवेकु आहे उनखे ज्ञानु चवंदा आहिनि ।

3 .असमोह  –  शरीर ऐं संसार जे जमण-मरण खे अथवा उत्पती-विनाश शील समुझी करे बि मां ऐं मुहिंझे झमेले खे असमोह चइबो आहे ।

4 . क्षमा  – कोई असांजे लाइ केतिरो बि गुनाहु (अपराधु ) करे त उनखे पहिंजीअ शक्तीअ मूजिबु सहणु  , जीऐं उन अपराध जी सज़ा लोक-परलोक में उन  शख़स खे न मिले ,अहिड़े वीचार खे क्षमा करणु चइजे थो ।

5 . सत्यम  –  प्रभू सत्य स्वरूप आहिनि ,जहिंखे पाइण लाइ सदा सचजो सहारो वठणु घुरिजे । मतलबु त जेकी ढ़िठो ब़ुधो ऐं समझो सोई चवणु घुरिजे पर हीउ लिखणु सवलो आहे पर उनते हलणु कठिन आहे । वरी सचखे स मझणु बि कठिनु आहे । जीऐं त महाभारत में नरो वा कुंजरो वा  ।

जेकढहिं सच चवण सां बुरे लग़ण जो डपु हुजे त उते चुपि रहणु बैहितरुआहे । पहिंजे स्वार्थ ऐं अभिमान खे छढ़े ईमानदारीअ जे लाभ  लाइ न वधीक न घटि  चवण खे सचु चइजे थो ।

6 , 7 . – दम -शम  – प्रभूअ जे स्वरूप जो दर्शनु प्इण लाइ इन्द्रयुनि खे विषयनि मां कढी पहिंजे वसि रखण खे शम-दम चइजे थो ।

8 , 9 .  सुखु-दुखु – चाहत (इच्छा ) मूजिबु कमनि जे पूरे थियण ते जेका प्रसन्नता थींदी आहे उनखे सुखु ऐं चाहति जे विपरीत कमनि जे पूरे थियण

ते मन ते जेको प्रभाउ पवे थो उनखे दुखु चइजे थो । सागे़ नमूने देहि खे बि सुख-दुख जो अनुभव थींदो आहे । परआत्मा में सुखु-दुखु कोन थीेदो आहे ।आत्मा सुख-दुख खां नियारो आहे । ईश्वर जे स्वरूप खे पसण लाइ देहि ऐं देही (चेतन स्वरूप ) खे अलग-अलग समझणु घुरिजे ।

10 , 11 . भाव-अभाव – संसारिक पदार्थनि ऐं हालतुनि जे मिलण खे भाव-अभाव चइबो आहे । इनहनि जो प्रभाउ देहीअ ते न थियणु घुरिजे ।

12 ,13 . भयं -अभय – पहिंजे सदाचार ऐं सामाजिक मर्यादा जे विपरीत चाल-चलण जे करे मन में पहिंजे बुरे थियण जे डप खे भय चिजे थो । जेकढहिं इंसान जो बियनि सां व्यवहारु चङो आहे , शास्त्रनि ऐं सचनि संतनि जहिड़ी हलति हले थो त हुनजे अन्त:करण में कहिंजो डपु कोन थो रहे त उनखे अभय चइबो आहे ।

1 4 . अहिंसा – अहिंसा खे समझणु बि कठिन आहे । महा भारत जे लड़ाईअ खे छा अहिंसा जो व्यवहारु चई सघिजे थो , अथवा भगवान श्राीरामचंद्र जो त्रिजचटा ऐं राजा बलीअ खे मरणु तथा सूर्पणखा जो नकु-कनि वढिण खे अहिंसा चई सघिजे थो । पर पहिंजे तन-मन ऐं वचन सां कहिं हि देश काल ऐं हालतुनि में कहिं बि जीव मात्र खे दुखु न पहुँचाइण खे अहिंसा चइजे थो ।

15 .  समिता – पहिंजे पसंद या नापसंद जूँ शयूँ , माणहूँ (स्त्री अथवा पुरुष ) , घटना (ओचितो नफो- मुक्सानु ) थियण जे हालातुनु में मनखे हिक चितो रखण खे समता चइजे थो । समता न हुजण जे करे शरार में बीमारियूँ (दिलि जो दौरो आदि ) भी पैदा थींदियूँ आहिन ।

16 . संतोष  –  जेकढहिं ज़रूरत खां वधीक धन सम्पति घटि बि मिले , तढहिं बि संतोष ( आनंद ) में रहणु घुरिजे , इनखेई संतोष या तुष्टि चइबो आहे । हम राज़ी हैं रबु जो तेरी रज़ा हो , यहां यूं बि वाह-वाह  है।

17 . तप  –  पहिंजे फर्ज़ अदाई जे पालण करे जेकढहिं का तकलीफ़ दरपेशि अचे त (ख़राबु हालतूँ ) उन्हनि के खे ख़ुशी-ख़ुशी सहनु करणु खे तप (तपस्या ) चइजे थो । ग्यारस ( एेकादशी )आदि व्रत रखण खे बि तपु चइजे थो ।

18 . दानु  – फहिंजी ईमानदारीअ जी कमाईअ  (Income ) मां  खुशी् सां कहिं ज़रूरतमंद खे मदद करण खे दानु चइबो आहे ।

19 . यशु  –  चङनि कर्मनि करण सां नेकी मिलंदी आहे ,उनखे यशु चइजे थो । पर चङनि कर्मनि करण सां नेकी मिलणु ज़रूरी कान आहे । यश जी चाहिना रखी कर्म करणु बि वाजिबु न आहे ।

20 .  अपयश  –  संसार में बुरा कर्म करण सां बुराई मुलंदी आहे ,उनखे अपयश चवंदा आहिनि । केतिरा दफ़ा चङे कर्म करण सां बि अपयशु मिलंदो आहे । इन जो कारणु अग़में कयल कर्मनि जो ( प्रारब्ध ) जो फलु आहे ।

श्रीमद भागवत में लुखियलु आहे त जन्म-मरणु ऐं यश -अपयश प्रभूअ जे हथवसि आहिनि । जेके मथे चयल वीह (20) वीह वीचार आहिनि इनहनि में बारह (12) वीचार अलग़-अलग़ आहिनि । हीउ सभई अन्त:करण में पैदा थींदा आहिनि , बाकी अठ ( 8 ) वीचार हिकबेजे विपरीति आहिनि । जीऐं यशु-अपयशु ।

                                                       ——    जय श्री राम  ——

 

तथ्य ( श्रीमद भगवतगीता ते आधारित )

1 . स्वास्थय  =  स्व में  स्थित  = पाण में हुजणु ।

2.  योग भवति दु;खहा = योग सदा दुखनि खे नासु कंदरु थींदो आहे ।  (गीता 6 / 7 )

धर्म ,अर्थ , काम , मोक्ष इन्हनि चइनी खे संस्कर्त में पुरुषार्थ चतुष्टय चवंदा आहिनि ।

3 . सूर्य आत्मा जगतस्त स्थुषश्य = सिजु जग़त जी आत्मा आहे ।

4 . VIBGYOR = Violet , Indigo , Blue , Green , Yellow ,Orange , Red .

ग्रहनि जा रंग ः- शनि , शुक्र , ब्रहस्पति (विसपति ) , बुध ,  मंगल ,  रवि , क्रमश ः ।

राहू ः- अल्ट्रावाइलेट , केतू ः- इनिफिरा रेडि ( हीउ बई अखियुनि लाइ नुकसान कंदर आहिनि

 सोम ः – सूमरु (चंद्रमा खे चवंदा आहिनि )

5 . भोजन जी पवित्रा लाइ आयुर्वेद में चइनि तरहनि जूँ शुध्दियूँ मञयूँ वेंदियूँ आहिनि ।

   1 .क्षेत्र शुध्दि 2 . द्रव्य शुध्दि 3 . काल शुध्दि ऐं 4. भाव शुध्दि ।

 स्थान , खाधो , समय , ऐं वीचार । हकीकत में असांजा ऋषी साइंसिदान हुया ।

 6 . भोजन करण महिल साह खणण जो तरीको ः- साजी नासिका जे साह खणण महिल भोजनु करणु घुरिजे  ।

खाबी नाहिका साहु हलण महिल पाणी पिअणु  घुरिजे । इन तरह सां शरीरु ठीकु रहंदो आहे ।

हिंदीअ में चविणी आहे त बाऐं स्वर भोजनु करे- दाहिने पीवे नीर । दस  दिन भूला यों करे, पावे रोग शरीर।।

———————

निमाणी वेनती

हाणे पहिंजनि मित्रनि खे हीअ वेनती थो करियां त हिन खां पोइ मां कुझु अध्यात्मकि लेख लिखी करे पहिंजा वीचार ऐं शास्त्रनि जो सिंधीअ भाषा में अनुवाद ( उपनिषद्नि ) लिखण जी कोशिशि कंदुसि । इन में कमियूँ त मुहिंजूँ रहंदियूँ पर गुण त प्रभऊअ जा हूँदा या त तव्हां जूं आसीसूँ भरियल हूंदियूँ , जहिं लाइ मां सभिनी जो थोड़ाइतो रहंदुसि ।

1 . अभिमानु चढ़ियो अा मनते – समझी देह सची ।             2. मन में आई आ का मस्ती – न आहे का मुहिंजी हस्ती ।
नज़र निमाणी कीनकी – अलह खां इयाणो ।                        ड़़ातार बख़शी ड़़ाति आ – लिखा पयो हीउ लेखु  ।
दल-दल में आ फाथो – पयो हथ हणे ।                                सरस्वतीअ जी का कृपा आ – मूँ में न आहे को जसु ।
पाणु छढ़़ाइ तूँ पाण मां – त यारू बि तोखे खणे ।।                रसु – जसु सभु मालिक जो – जयराम में आहे रूग़ी कसु ।

 

 

गीता जो ज्ञानु

गीता जो ज्ञानु
कहिंखे चवां माँ सचु – सचखे मञे को विरलो ।
जेको मञे सचखे – सो हली कीन सघे ।
करे विषयनि जो ध्यानु – पैदा थिएथी चाहिना ।
चाहत मां जन्मे थो कामु (कामनाऊँ) –
कामाऊँ पूरियूँ थियनि कीनकी -जिनि वधायो लोभु ।
लोभु पूरो थियो कीनकी – जहिं वधायो क्रोधु ।
क्रोध विञाई मति (समझ) – थियो मुहिंजो पतनु ।
पतन में देरि पवे थी कीनकी – जीऐं झटिको बिजिलीअ जो ।
बचाइणु चाहीं तूँ पाणु – छढि तूँ विषयनि जो संगु ।
खींचे तूँ इंद्रयूँ तन-मन मां – बणिजी कछूओ पाणु ।
मञु तूँ रहमु राम जो ।।

मञु त मिलंदे

मञु त मिलंदे    –   मिलंदे त मञींदे,
पर अवलि ( पहिरियांई ) मञु  – त मिलियो रहंदे।
मञु पहिरयांई त परमात्मा हिते आहे,
मञु त परमात्मा हाणे आहे,
मञु त परपात्मा पाण में आहे,
आख़िर मञु त परपात्मा मुहिंजा आहिनि।

करे विशवासु पाण में – लगाए पहिंजो ध्यानु अंदर में ,
विसारे  संसार खे – पसु तूँ परमात्मा खे।

पाणु सु़ञाणु

पाणु सु़ञाणु
माणहू बणिजी , बणियुसि न इंसानु मां ।
डाकू वेठा घर में , कोन सु़ञातो मां ।।
गढु॒ थिया छ डाकू , वसु हलियो कीनकी ।
मां विञायो पहिंजो पाणु , पाए दुर्लभु देही ।।
इच्छाऊँ वधनि मन सां , पूरियूँ थियनि कीनकी ।
वधायो जिनि लोभु , लोभ वधायो काम खे ।।
काम वधायो मोह खे , दुखी कयो हिन मोह ।
मोह जागा॒यो क्रोधु , अंधो कयो अखियुनि खां ।।
अंधो बणिजी कयुमि अहंकारु , मनु बि गढि॒जी वयो ।
पाए ज्ञानु भाग॒वत मां , सुधारियो पहिंजे मन खे ।।
मनु कयुमि वसि , छढे॒ छ विकार ।
आहियां मां आत्मा , पातो मां परमात्मा ।।
( श्रीमद भागवत महापुराण में जड़भरत जे उपदेश
ते आधारिति लिखिय़ो आहे )
Posted by Jairam Gyani at 16:24 | Co

वक्तु (Time )

वाच हलंदी रहे – रेल वॼंदी हले ।
रेल रुकंदी हले – वाच हलंदी रहे ।।
वाच वॼाए ॿारहां – रेल वॼाए चोवीह ।
रेल वॼाए चोवीह – कोन वॼाए को पंजवीह ।।
पंजवीह वॼनि कीनकी – वक्तु गुज़िरियो वञे ।
वक्तु गुज़िरियो वञे -मौतु ईंदो वञे ।।
मौतु ईंदो वञे – साहु निकिरंदो वञे ।
साहु निकिरंदो वञे – वाच हलंदी रहे ।।

प्रभू लीला

करु जा॒णे थो भग॒वान खे – भग॒त बि उनजे वसि ,
नंद-यशोदा भगि॒ती करे – बा॒ल लीलाऊँ थे ढि॒ठियूँ ।
नोरियूँ नढियूँ थी पवनि – ब॒धी न सघनि शयाम खे ,
केरु ब॒धे भगऩवान खे – माता बि मुंझी पई ।
समुझी सघी न खेलु – आहे हीउ अजबु मेलु ,
भग॒तीअ वसि कयो लाल खे – ब॒धायो पहिंजो पाणु।
माया में फाथलु मनु – कोन बु॒धे थो अनहद जो नादु ।
आहे अजबु इसिरारु – केरु जा॒णे ,कयो गढि॒जी नमस्कारु ।

गवांरु ( जाहिलु )

जा॒णा समुझाँ कीनकी – घणो पयो लिखां ,
वेद पढ़िया मां कीनकी – बिना समझ जे पयो लिखां ।
लिखी कोन समझां – पर भी पयो लिखां ,
वांदो आहियां घर खां – ज्ञान गोष्टियूँ पयो चवां ।
अकुलु लभे कीनकी – गा॒ल्हियूँ पयो गं॒ढियां ,
आहियां चरियो (गवांरु ) – पर सुमिरनु सदा करियां ।
करे विशवासु भग॒तीअ में – गीत पयो रचियां ।।