खा़वंदु ( पति )

ख़लिक में ख़ावंदु – ख़ावंद में ख़लिक ,
मालिक में मुलिक – मुलिकनि में मालिकु ।
ज्ञान में गीता – गीता में ज्ञानु ,
रामायण में रामु – राम में रामायणु ।
वेदनि में ब्रहमु – ब्रहम में वेद ,
ख़यालनि में खि़याली – खि़यालीअ में ख़ालिकु ।
सभ में हिकु सचु – सच में सभु कुछु ।
आहे हिकु मालिकु – सुञाणे को सोडो सुलितानु ।

बेबसु

गो॒ल्हणु चाहियां थो मां जहिंखे – गो॒ल्हे कीन सघियुसि ।
पुछा कई मां पंडितनि खां – सच्चो पंडितु कीन परिखियुमि ।।
साधू संतनि वटि भी भटिकियुसि – सुञाणे कीन सघियुसि ।
मुला – मौलवी बि कीन छढि॒यमि – पर पतो मिलियो कीनकी ।।
थकिजी टुटिजी आँउ ( मां ) पयुसि – उमिरि बि उडा॒मी वई ।
तड॒हिं मिलियो हिकु बेबसु – जहिंजो घरु न घाटु , मिटु न माइटु ।।
अखियूँ हेठि करे , मथे कयूँ ऐं पोइ कयूँ बंदि ,
उथी हलंदे चयो , भञु पीरोली पहिंजी ।
बणिजी बेबसु अखियूँ थियूँ बंदि – ढि॒सां खिलंदो बेबसु ।।
1 . अखियूँ हेठि करे = निमाणो बणिजु , अहमु छढि , ……
2 . कयूँ पोइ मथे = कृपा दृष्टि कई , नूरानी नज़र सां निहारियो ,
3 . अखियूँ बंदि करे = गो॒ल्हि पहिंजे अंदर में

वेद – दर्शनु

वेद दर्शनु करणु त सवलो आहे ऐं उनते अगरबती बारे नमस्कारु बि सवलो आहे , पर मां तव्हांखां पुछणु चाहींदुसि त छा इनखे वेद दर्शनु चवणु घुरिजे ? हकीक़त में वेदनि खे पढ़णु ऐं समझणु ई वेद-दर्शन जो मतिलबु थियणु घुरिजे । पर असां सिंधी भाउर संस्कृत घटि-वधि समझंदा आहियूँ तहिंकरे असां लाइ वेद पढ़णु ऐं समुझणु कठिनु आहिनि । ईहा हिक हकीक़त आहे ।
मुहिंजा दोस्तो – वेद दर्शन ते लिखणु महा कठिनु आहे , उन लाइ सजी॒ उमिरि वि थोड़ी आहे । वेदनि खे पढ़ी करे समझणु बि पूरी तरह जे मां काबिलु कोन आहियां । ईहा गा॒ल्हि बि मुहिंजे वस जी कान आहे । मां त रुगो॒ तव्हां सभिनी भाउरनि जी शुभु आर्शीवाद ऐं ईश्वर कृपा सां कुझु लिखी करे तव्हांखे वेद दर्शन कराइण जी कोशिशि करे रहियो आहियां ।
महाभारत रचियता श्री वेद व्यास मुनिअ श्रुतियुनि जे आधार ते वेदनि खे चइनि भाङनि में विराहियो आहे । वायू पुराण में लिखियलि आहे त व्दापर युग॒ में वीहनि खां बि वधीक व्यास मुनि थी गुज़िरिया आहिनि । वेदनि जे ज्ञानवान मुनीअ जी उपाधि व्यासु चई वेंदी आहे । तहिंकरे ईहो चवणु ढु॒खियो आहे त कहिड़े काल (समय ) में वेदनि खे चइनि भाङनि में विराहियो वयो आहे । श्रीमद् रामायण या श्री भाॻवत महा पुराण ॿुधाइण वारो जहिं गदीअ ते वेही कथा कंदा आहिनि उनखे हिंदीअ में व्यास-गदी सॾिबो आहे ।
वेदनि में छा लिखियलु आहे , हाणे मां इन बारे में कुझु लिखी रहियो आहियां । पाश्चात्य (विदेशी ) विव्दान प्रो.कैल्टन लिखियो आहे त मैक्समूलर जे वीचारनि मूजिब पहिंजी किताब ( Rigveda & Vedic Religion ) आहे त वेदनि में बा॒राणियूँ ऐं बेमतलबु गा॒ल्हियूँ लिखियल आहिनि । इनहनि सबिबनि जे करे मां उनहनि जे वीचारनि ते कुझु बि लिखणु ठीकु न समुझंदो आहियां । मैक्समूलर सन 1868 हिक ख़त में पहिंजीअ ज़ाल (पत्नीअ ) खे लिखियो आहे त “ मूँखे उमीद आहे त हिन कम (ऋग्वेद लेखन ) खे मां पूरो करे छढींदुसि ………। हिन अनुवाद सां भारत में रहंदरनि किरोड़नि आत्माउनि ते इनजो असरु पवंदो ……..जहिंकरे टिन हज़ारनि सालनि जे असर खे ख़तमु करे सघिबो “ ……) । ( Ref :-धर्मदेव विद्यामारर्तण्ड व्दारा – वेदो में यथार्थ स्वरूप में पृष्ट 25 )
वेद अखर जो मतिलबु आहे ज्ञानु । चइनी वेदनि जा नाला ऐं उनहनि में मंत्रनि जी संख्या हिन नमूने मञी वई आहे ।
1 . ऋग्वेद 10482 मन्त्र
2 . यजुर्वेद 1975 मन्त्र
3 . सामवेद 1873 मन्त्र
4 . अथर्वेद 5977 मन्त्र कुलु मन्त्र 20307
स्वामी दयानंद सरस्वती रो चवणु आहे त वेदनि में परमात्मा जो गु॒झो ज्ञानु भरियलु आहे ,जेको मनुष्य जे कल्याण वास्ते आहे । महिर्षी स्वामी दयानंद ऐं बि॒यनि केतिरनि व्दिवाननि जो त वेदनि जा छ:अंग ऐं छ: उपांग आहिनि । वेदनि जे छहनि भाङनि खे अंग चवंदा आहिनि ऐं उपांग वेदनि में लिखियल ज्ञान जे रक्षा लाइ व्दिवाननि जा ग्रंथ आहिनि ।
अंग हिन नमूने आहिनि :- 1 . शिक्षा 2 .कल्प 3 . ज्योतिषि 4 . सत छंद 5 . व्याकरणु 6. निरूक्त ।
उपांग :- 1 . पूर्व मीमांसा दर्शनु 2 . उतर मीमांसा दर्शनु 3. सांख्य दर्शनु 4 . वैशोषक दर्शनु 5 . न्याय दर्शनु
6 . योग दर्शनु ।
छहनि अंगनि जो परिचय :- 1 . शिक्षा – शिक्षा जो अर्थु आहे त हिन संसार में माणूँह खे जग॒त में कहिरे नमूने रहणु घुरिजे जो हुनजो जीवनु सफलु थी वञे । प्रकृति ऐं समाजि सभिनी लाइ लाभकारी रहणु घुरिजे । हिन जो वर्णननु खा़स यर्जुवेद में चयलु आहे ।
2 . कल्प – कल्प जो अर्थु आहे सृष्टि जी रचना ऐं उनजो प्रलय (अन्तु ) ऐं वरी उनजो पैदा थियणु (उत्पति ) । हिनजो वर्णननु ऋग्वेद में चयलु आहे ।
3 . ज्योतिष – सूर्य ( सिज ) हिन जो वणर्ननु ख़ास करे अथर्व वेद में लिखियलु आहे । सूर्य , ग्रह ऐं नक्षत्रनि जी चालि ( गतिअ ) जी ॼाण ॾिनल आहे ।
वेदनि जा ॿिया अंग छंद , व्याकरण ऐं निरूक्त वणर्ननु शैलीअ जा विषय लिखियल आहिनि । हकीकत में छ (6 ) उपांग मथियनि अंगनि खे तर्कनि ऐं युक्तीअ सां लिखण जो तरीको आहे । हिननि खे तर्कनि सां दर्शन शास्त्रनि सां साबित करण जी कोशिश कयल आहे । पर हिनखे पूर्व मीमांसा में सुठे नमूने समुझायो वयो आहे । न्याय दर्शन में तर्क-वितर्ककरण जो ढंगु चयलु आहे । जॾहिंकि योग दर्शनु मन , ॿुध्दि ऐं शरीर खे स्वस्थ रखण जा तरीका चयल आहिनि ।
Ref : –
गुरूगत । प्रकाशक
हमारी संस्कृतिक धरोहर । हिन्दी साहित्य संस्करण सदन
प्रस्तता – योगेंद्र दत । 1995.

सारिथी

सज॒णु मुहिंजो सारिथी – वागूँ उन वसि ,
जीत मुहिंजे वसि – ना-ना हार जीत उन हथि ।
हारे वेठुसि मां – सुधि-बु॒धि सभु वई ,
हीणो जा॒तुमि पाणु – छढे॒ हथियार हिमथ जा ।
पाए ज्ञानु गीता जो -सुञातो मां पाणु ,
हथ हलनि पया मुहिंजा – पर शक्तियूँ तूँ साणु ।

शाहूकारू

वाट वेंदे गढि॒ हिकु शाहूकारु – फाटल कपिड़ा , न जुती न जामो ।
ढि॒नी पए धूरि , जहिंखे वणे सो वठे – जहिंखे घुरिजे , पाए पहिंजे सिर में ।
ढि॒सी मूँहु , फेरे हलंदा रहिया – समुझनि बु॒झनि कोन हुन जे धन माल खे ।
आयो हिकु सेठि , वढा॒ वेस करे -घुरियो हुन खां धनु , कंधु मथे करे ।
आयो हिकु दुखी बा॒ढा॒यांई निमाणा नेर करे – वठी धूरि ब॒धी पहिंजे ग॒ढि में ।
घर में फैलाए ,चटियो पहिंजो हथु – लगो॒ भागु॒ उनखे , करे विशवासु हलु ।

मनु

मनु छा आहे ……… ।

हिन जो जवाबु ढि॒यणु तमामु मुशिकुलु आहे , छाकाणि जो हर फिलासाफर पहिंजे नमूमे हिन जो जवाबु ढि॒नो आहे । अंग्रेजीअ में बँच आफ थाटस को मनु सढि॒जे थो । पर भारतीय वेदांत मूजिबु हिन शरीर में हिकु सूक्ष्म शरीरु आहे , उन खे मनु चइजे थो । हीउ मनु पंजनि ततनि जो बणियलु कोन आहे । किन शास्त्रनि में मन खे र्निजीवु ( जड ) मञियो वयो आहे पर के शास्त्र मन खे चेतनु मञीदा आहिनि । शरीर ऐं मन जो गहिरो संम्बधु आहे । बिना शरीर जे मन जो अस्ततिवु कोन आहे । मन जो शरीर ते असरु पवंदो आहे ऐं शरीर जो मन ते असरु ढि॒सण में ईंदो आहे । क्रोध जो प्रभाउ चहिरे ते ढि॒सण में ईंदो आहे ।मनु सुस्तु त शरीरु बि सुस्तु थी पवंदो आहे । स्वामी विवेकानंद जे साहित्य में आत्मा मन जो द्रिष्टा आहे । छान्दोग्य उपनिषद् में उदालक मुनीअ पहिंजे पुट खे समुझायो आहे त अन मां मनु कींअ बणियो आहे ।
लेख खे नढो करण जे वीचार करे हाणे मन खे वसि करण जे बाबति ब॒ अखर लिखी रहियो आहियां । मन खे वसि करण खे मनो निग्रह चवंदा आहिनि । मन के वसि करण जा बि केतिरा तरीका शास्त्रनि में चयल आहिनि । श्रीमद् भगवत गीता में (6-35 ) मन खे वसि करण लाइ अभियास ऐं वैराग॒ जो रस्तो लिखियलु आहे । वैराग॒ जो मतिलबु हीउ कोन आहे त सुख भोग॒ जो तियागु॒ करणु घुरिजे । सुखु भोगु कोई पापु न आहे । पर अनैतिकि सुखु अथार्तु बिना नीतीअ जे सुखु पाइण जी इच्छा समाजि घर-बार लाइ दुखदाई आहे । भले थोडे वक्त लाइ अहिडो सुखु आनंद दायकु महिसूसु लगे॒ पर अगि॒ते हली अहिडो सुखु सभ कहिं लाइ दुखदाई थींदो आहे । भला वीचारु करे ढि॒सो त सुखी इन्सानु ई तन-मन सां समाजि ऐं पहिंजे घर-बा॒र जी सेवा करे सघंदो आहे । जहिंजो मनु वस में कोन आहे ,उनखे शान्ति बि कोन मलंदी आहे । जर केतिरनि कमनि में पयो गलतुयूँ कंदो आहे जहिंकरे पहिंजे कमनि में नुक्सानु करे विझंदो आहे ।छाकाँि जो हुन जी वीचार शक्ति पूरी तरह सां कमु कोन करे सघंदी आहे । बल्कि मानसिक तनाव जे करे शरीर जा रोग॒ ऐं दिमागी बीमारियूँ वकोरे वेंदियूं आहिनि , जहिंजे करे सजो॒ घरु ज॒णु बीमारु ढि॒सण में ईंदो आहे ।
मन खे वसि रखणु बेहदि जरूरी आहे । इन लाइ बे॒ लेख में लिखण जी कोशिशि कंदुसि ।

मन में आई आ का मस्ती – न आहे का मुंहिजी हस्ती ।
ढा॒तर बख़शी ढा॒त आ – लिखां पयो हीउ लेखु ।
सरस्वतीअ जी का कृपा आ – मूँ में न आहे को जसु ।
रसु जसु सभु मालिक जो – जयराम में आहे रुगी कसु ।
प्यारा दोस्तो , मूँ पहिरें लेख में मनु छा आहे जो जवाबु पूरो कोन लिखियो आहे । मुहिंजे वीचार मूजिबु ममु हिकु कारखा़मो आहे , जेको 24 कलाक पयो थ हले । जहिं में हरदम ख़याल पया अचनि वञनि । एतिरे कदुरु जो निंड में बि सपिना पया ढ॒सिजनि । पर जिन महा पुरषनि मन खे पहिंजे वसि कयो आहे से प्रभूअ जा पसारा पया ढिसनि । सभमें पया परमात्मा जो दशर्नु कनि । मां मञा थो त मन खे वसि करणुतमामु कठिन आहे , पर तढ॒हिं बि संसारी माँणहू कहिं हद ताईं मन खे वसि करे ज़िंदगीअ पो सुखु माणे सघनि था ।
मन जो निग्रह (वसि करण ) लाइ यम ऐं नियम जो अभ्यासु करणु घुरिजे । मन जे वसि करण अर्थात मन जे शाँतिअ लाइ हिननि चइनि गा॒ल्हियुनि जो ध्यानु रखणु धुरिजे ।
1 . जेको सुखी आहे उनसां दोस्ती (मित्रता ) करणु घुरिजे ।
2 . जेको दुखी आहे , उनसां सची हमदर्दी करणु घुरिजे ।
3 . चङे कम जे थियण ते खुशि थियणु घुरिजे ।
4 . बुरे कम खां पासो करणु खपे ।
जेको इन्सानु बि॒यनि जे सुख में पाण खे सुखी अनुभव करे थो त उनजे मन में ईर्षा (हसदु ) भाव जो नासु थिए थो , हुनजो मनु शांति रहे थो । दुखी इन्सान लाइ मन में दया भावना रखणु ऐं पहिंजईअ ताकत अनूसार उनजी मदद करण सां घर में बरकत पवे थी । जेकढ॒हिं दुखियारे जी मदद नथो करे सघीं त घटि में घटि उनजे भलाई लाइ ईशवर खे प्राथर्ना करमु घुरिजे । हिनसां बि मनु वसि थींदो आहे । मन जे शुधीअ लाइ बुरनि कमनि खां पासो करमणु बि ज़रूरी आहे । शुभु कर्मनि करण करे मनु प्रसनु रहे थो ऐं उन आनंद खे मन सां हंडाइण में पाण में गुणनि जो वाधारो थींदो आहे,ऐं मनु वसि रहंदो आहे । असांजो खाघो-पीतो बि सातविक हुअणु खपे , जहिं करे शरीरु ऐं मनु ब॒ई सुवस्थ रहनि था ।
इनहनि सभिनी जे लाइ विवेक जी ज़रूरत आहे । श्रीमद भाग॒वत में भग॒वान श्री कृष्ण ( सिकंदु 11 ) पहिंजे मुख सां चयो आहे त सज॒ण जो साथु, हर तरह जी आसक्तीअ खे जड़ कां नासु करे थो । आख़रि में मां पहिंजे अनुभव सां चई सघां थो त रुगो॒ घ्यान जो अभियासु कंदो रहे त मनु कुदिरती धीरे-धीरे तुहिंजे वसि थी वेंदो ।
हिन लेख जे पढ़ण सां जेकढ॒हिं कहिंखे फाइदो थिए थो त ऊहा ईशवर जई कृपा समझणु घुरिजे । मुहिंजआ पाठकनि खे निमाणी वेनिती आहे त पहिंजा अनुभव ई-मेलि रसिते लिखी मोकिलिनि त मां उनहनि सभिनी जो तहदिल शुक्रुगुज़ारु रहंदुसे

भागवत जो भेदु

बृजु आहे व्यापकु – जहिं में समायलु आहे सभु कुछु ।

उधव भग॒त जो आहे वासो – चवे भेदु भाग॒वत जो ।।

पाणु विसारे पाण में – कयो कीतर्नु राधा जो ।

श्री राधा ई कृष्ण आ – ऐं कृष्णु ही राधा आ ।।

वजा॒ए बाँसुरी प्रेम जी – अरपे पहिंजो पाणु ।

कयो कीतर्नु बृज में – सपुझी भेदु भाग॒वत जो ।।

बा॒रहनि स्कंदनि में – ढ॒हों स्कंदु आहे आत्मा ।।

यारिहों ज्ञानु गोष्टी – समुझियो उधव भाव सां ।

आहे वेदनि जो सारु – लिकियलु भेदु भाग॒वत में ।।

बा॒रहें सुरुग-नरुकु समुझायो – कयो खुलासो तत खे ।

नारायणु मंत्र ऐं गायत्री मंत्र – आहे उन में समायो ।।

भजु॒ मन श्री राधे – श्री राधे , श्री राधे ,श्री राधे …

तृष्णा

वाह री तृष्णा , तूँ मूँखे आ रुलायो …

घीहु बणिजी बाहि वधाई – पोए मूँखे आ सारियो ।

ययाती बु॒ढे मां जवानु बणियो – वठी जवानी पुट खां ।। वाह री …

ब॒कर वांगुरु कामी रहियो – ज्ञानु विञाऐ पाण खां ।

ज्ञान यज्ञ हुन ख समुझायो – तृष्णा आ रुलायो ।। वाह री …

जोभनु मोटाए पुट खे – जवान मां बु॒ढो बणियो ।

करे भग॒ती प्रभूअ जी – मोक्ष तढ॒हिं पातो ।। वाह री …

भाग॒वत कई आ क्रपा – कढाए मन मां तृष्णा ।

जयराम आहे तृष्णा खोटी – हाणे माँ तोखे सुञातो ।। वाह री …

( भागवत महापुराण ते आधारिति )

मूर्ख मन

मूर्ख मन सचो समझो संसार खे – सपुने खे सचु समुझी, फाथो हिन जहान में ।

करे क्रोध गंवायो पहिंजे जहान खे – तर्षणा सां रचियो पहिंजे संसार खे ।

मां-मां करे मुंझियो हिन जहान में – आहे छा सचो गु॒झु जा॒णे कीनकी ।

सपुनो ही संसारु,असुल खां परे – क्रोध,तर्षणा,ममता ऐं मोह में जकिरे करे ।

जन्मु विञायो पहिंजो,नरक डे॒ पेर खणे – भग॒ती ऐं सतिसंगु,करे मन खे परे ।

आत्मा निरलेपु आ,न घटे न वधे – जहिं सु़ञातो उन खे , पारि सो पवे ।

जयराम तन-मन खे मारे – निहारे पहिंजे नींह में ।

जन्म मरण खाँ छुटी करे – मुक्ती पाए पल में ।

देश प्रमु

मुल्कु मिरेई माँण्हू – माँण्हू मिरेई मुल्कु ,

करि रईत (प्रजा ) जी सेवा – छडि॒ पहिंजे मतिलब खे ।

राणो प्रतापु या शिवाजी बणिजी – त्यागे॒ सभु सुख पहिंजा ,

छडे॒ कुर्सीअ जी चाह – रहु पद सां ईमांदारु ।

छडि॒ कुधीअ कमाईअ खे – मुल्क डे॒ निहारि ,

मुल्कु प्रेमु बि प्रेभू प्रेमु आ – सभ में वसे थो पाण ।

जयराम करि तूँ विशवासु – त पदु पांई बणिजी बादशाहु ।।